കരുനാഗപ്പള്ളി: ഇന്ത്യൻ മുസ്ലിങ്ങളുടെ സാമൂഹിക, സാമ്പത്തിക, വിദ്യാഭ്യാസ പുരോഗതിക്കായി സച്ചാർ കമ്മിഷൻ സർക്കാരിന് നൽകിയ ശുപാർശകൾ അർഹരായ എല്ലാവർക്കും ഗുണം ലഭിക്കുന്ന തരത്തിൽ നടപ്പാക്കണമെന്ന് മെക്ക കരുനാഗപ്പള്ളി താലൂക്ക് കമ്മിറ്റി ആവശ്യപ്പെട്ടു. ഓൺലൈനായി ചേർന്ന യോഗം സംസ്ഥാന ഓർഗനൈസിംഗ് സെക്രട്ടറി എം.എ. ലത്തീഫ് ഉദ്ഘാടനം ചെയ്തു. പ്രസിഡന്റ് ഷിഹാബുദ്ദീൻ അദ്ധ്യക്ഷത വഹിച്ചു. ബഷീർ കോയ, മഹമൂദ്, അബ്ദുൽ സലീം ക്ലാപ്പന, അബ്ദുൽ റഹുമാൻ, സൈഫുദ്ദീൻ, അബ്ദുൽ കഹാർ തുടങ്ങിയവർ പങ്കെടുത്തു.