തൊടിയൂർ: സ്ത്രീധന നിരോധന നിയമം ലംഘിക്കുന്നവർക്കെതിരെ കേസെടുക്കണമെന്ന് കരുനാഗപ്പള്ളി താലൂക്ക് ജമാഅത്ത് യൂണിയൻ നേതൃയോഗം സർക്കാരിനോടാവശ്യപ്പെട്ടു. പ്രസ്തുത വിഷയങ്ങൾ പാഠ്യപദ്ധതിയിൽ ഉൾപ്പെടുത്തണമെന്ന് ആവശ്യപ്പെട്ട് വിദ്യാഭ്യാസ മന്ത്രിക്കും മദ്രസകളിൽ പഠന വിഷയമാക്കണമെന്ന് ആവശ്യപ്പെട്ട് ദക്ഷിണ സമസ്ത കേരള ഇസ്ലാം മതവിദ്യാഭ്യാസ ബോർഡിനും കത്ത് നൽകാൻ യോഗം തീരുമാനിച്ചു. കരുനാഗപ്പള്ളി താലൂക്ക് ജമാഅത്ത് യൂണിയൻ പ്രസിഡന്റ് വലിയത്ത് ഇബ്രാഹിം കുട്ടി യോഗത്തിൽ അദ്ധ്യക്ഷത

വഹിച്ചു. ടൗൺ പള്ളി ഇമാം മുഹമ്മദ് ഷാഹിദ് മൗലവി കെ.എ. ജവാദ്, കുരുടന്റയ്യത്ത് വാഹിദ്, എം. ഇബ്രാഹിം കുട്ടി, സി.എം.എ നാസർ, ഖലീലുദ്ദീൻ പൂയപ്പള്ളിൽ, പി.എച്ച്. മുഹമ്മദ് കുഞ്ഞ്, റൗഫ് കൊട്ടാരക്കര എന്നിവർ പ്രസംഗിച്ചു.