അഞ്ചൽ: ഏരൂർ ഗ്രാമ പഞ്ചായത്തിന്റെയും കൃഷി ഭവന്റെയും നേതൃത്വത്തിൽ ഓണത്തിന് ഒരുമുറം പച്ചക്കറി പദ്ധതിക്ക് തുടക്കം കുറിച്ചു. ഓണക്കാലത്ത് അന്യ സംസ്ഥാനങ്ങളെ ആശ്രയിക്കാതെ പഞ്ചായത്തിലേക്ക് അവശ്യമായ പച്ചക്കറി പഞ്ചായത്തിൽ തന്നെ ഉത്പ്പാദിപ്പിക്കുക എന്ന ലക്ഷ്യത്തോടെയാണ് ഈ പദ്ധതിക്ക് രൂപം നൽകിയത്. പദ്ധതിയുടെയും ഉദ്ഘാടനം പി.എസ്. സുപാൽ എം.എൽ.എ നിർഹവിച്ചു. ഗ്രാമ പഞ്ചായത്ത്‌ പ്രസിഡന്റ് ടി. അജയൻ അദ്ധ്യക്ഷനായ യോഗത്തിൽ വൈസ് പ്രസിഡന്റ് ചിന്നു വിനോദ്, സ്റ്റാൻഡിംഗ് കമ്മിറ്റി ചെയർമാന്മാരായ ജി. അജിത്, വി.രാജി,ഷൈൻ ബാബു കൃഷി ഓഫീസർ അഞ്ജന എന്നിവർ സംസാരിച്ചു. പഞ്ചായത്ത്‌ അംഗങ്ങളായ ഡോൺ വി രാജ്, അജിമോൾ, മഞ്ജുലേഖ,നസീർ എന്നിവർ പങ്കെടുത്തു.