കൊട്ടാരക്കര: ഗുരുധർമ്മ പ്രചരണ സംഘത്തിന്റെ ആഭിമുഖ്യത്തിൽ മുൻ ശിവഗിരി മഠാധിപതിയും മതാതീതാത്മീയതയുടെ പ്രചാരകനുമായിരുന്ന സ്വാമി ശാശ്വതീകാനന്ദയുടെ 19-ാം സമാധി ദിനാചരണം ഇന്ന് മതാതീത ആത്മീയ ദിനമായി ആചരിക്കും. സംസ്ഥാനത്തെ 10 കേന്ദ്രങ്ങളിൽ നിന്ന് മതാതീതാത്മീയ ജാഥ പുറപ്പെടും. രാവിലെ 9ന് പുത്തൂർ ചിറ്റാകോട് നടക്കുന്ന ആത്മീയസംഗമം ചെയർമാൻ എഴുകോൺ രാജ്മോഹൻ ഉദ്ഘാടനം ചെയ്യും. ജനറൽ സെക്രട്ടറി ബി.സ്വാമിനാഥൻ അദ്ധ്യക്ഷത വഹിക്കും. മതാതീതാത്മീയ ജാഥ പാത്തല രാഘവൻ ഉദ്ഘാടനം ചെയ്യും. സംഘം വനിതാ വിഭാഗം കൺവീന‌ർ ശാന്തിനി എസ്. കുമാരൻ, ഓടനാവട്ടം എം. ഹരീന്ദ്രൻ, ബ്ളോക്ക് കോൺഗ്രസ് പ്രസിഡന്റ് കെ.മധുലാൽ,പട്ടംതുരുത്ത് ബാബു ,ഉമാദേവി, ക്ലാപ്പനസുരേഷ് തുടങ്ങിയവർ സംസാരിക്കും.