കൊല്ലം: ആൾ കേരള സ്കൂൾ ടീച്ചേഴ്സ് യൂണിയന്റെ നേതൃത്വത്തിൽ വിദ്യാഭ്യാസ ജില്ലാ കേന്ദ്രങ്ങളിൽ ഇന്ന് പ്രക്ഷോഭം സംഘടിപ്പിക്കും.പ്രൈമറി സ്കൂളുകളിൽ പ്രഥമാദ്ധ്യാപകരെ നിയമിക്കുക, എൻജിനിയറിംഗ് റാങ്ക് ലിസ്റ്റിൽ പ്ലസ്ടു മാർക്ക് ഉൾപ്പെടുത്തുക, ഹയർ സെക്കൻഡറി ജൂനിയർ കാലയളവ് പ്രമോഷന് പരിഗണിക്കുക, കേന്ദ്ര സർക്കാരിന്റെ വികല വിദ്യാഭ്യാസ നയങ്ങൾ തിരുത്തുക തുടങ്ങിയ ആവശ്യങ്ങൾ ഉന്നയിച്ചാണ് സമരം. കൊല്ലം ഡി.ഡി.ഇ ഓഫീസ്, കൊട്ടാരക്കര ഡി.ഇ.ഒ ഓഫിസ്, പുനലൂർ എ.ഇ.ഒ ഓഫീസ് എന്നിവിടങ്ങളിൽ നടത്തുന്ന പ്രക്ഷോഭം സംസ്ഥാന ഭാരവാഹികളായ എൻ. ഗോപാലകൃഷ്ണൻ, എസ്. ഹാരിസ്, കെ.എസ്. ഷിജുകുമാർ എന്നിവർ ഉദ്ഘാടനം ചെയ്യുമെന്ന് ജില്ലാ പ്രസിഡന്റ് ആർ. മാലയും സെക്രട്ടറി പിടവൂർ രമേശും അറിയിച്ചു.