കടയ്ക്കൽ : ഇട്ടിവ, വയ്യാനം അൽ - അമീൻ മൻസിലിൽ മുനീർ (40) വധശ്രമ കേസിൽ പിടിയിലായി. ഇക്കഴിഞ്ഞ 28ന് ഉച്ചയ്ക്ക് 2 മണിയോടെ മുനീർ തന്റെ മാമനെ ആക്രമിക്കുകയായിരുന്നു. സംഭവം കണ്ട് തടയാൻ ശ്രമിച്ച അയൽ വാസിയായ സ്ത്രീയുടെ നേരേയും മുനീർ ആക്രമണം നടത്തി. ആക്രമണത്തിനിരയായ സ്ത്രീയുടെ പരാതിയിൽ ചടയമം​ഗലം പൊലീസ് കേസ് രജിസ്റ്റർ ചെയ്തു. ചടയമം​ഗലം എസ്.ഐ മിഥുന്റെ നേതൃത്വത്തിലുള്ള പൊലീസ് സംഘമാണ് പ്രതിയെ അറസ്റ്റ് ചെയ്തത്. പ്രതി മുമ്പും പല കേസുകളിലും ഉൾപ്പെട്ടിട്ടുള്ള ആളാണ്. മുനീറിനെ റിമാൻഡ് ചെയ്തു.