കൊല്ലം: കെ.എസ്.ആർ.ടി.സി കൊല്ലം ഡിപ്പോ മുതൽ ഓലയിൽക്കടവ് വരെ ലിങ്ക് റോഡിന്റെ മൂന്നാംഘട്ട നിർമ്മാണം ആറ് മാസത്തിനുള്ളിൽ പൂർത്തിയാക്കുമെന്ന് മന്ത്രി പി.എ. മുഹമ്മദ് റിയാസ് പറഞ്ഞു. കൊല്ലത്ത് ലിങ്ക് റോഡിന്റെ നിർമ്മാണ പുരോഗതി വിലയിരുത്താൻ എത്തിയതായിരുന്നു അദ്ദേഹം. ലി​ങ്ക് റോ​ഡ് ഓ​ല​യിൽ​ക്ക​ട​വിൽ നി​ന്ന് തോ​പ്പിൽ ക​ട​വി​ലേ​ക്ക് നീ​ട്ടു​ന്ന നാ​ലാം​ഘ​ട്ട വി​ക​സ​നം ആറ് മാസത്തിനുള്ളിൽ ആരംഭിക്കും. ഇതിനുള്ള നടപടി വേഗത്തിലാക്കുമെന്നും മന്ത്രി വ്യക്തമാക്കി. എം. മുകേഷ് എം.എൽ.എ, മേയർ പ്രസന്ന ഏണസ്റ്റ് എന്നിവരും മന്ത്രിയ്ക്കൊപ്പമുണ്ടായിരുന്നു.