കൊടുങ്ങല്ലൂർ: കൊവിഡ് ഭീതി നിലനിൽക്കുന്നതിനിടയിലും കർമനിരതരായി തൊഴിലുറപ്പ് തൊഴിലാളികൾ

രംഗത്ത്. നഗരസഭയിലെ 40-ാം വാർഡിലെ തൊഴിലുറപ്പ് അംഗങ്ങളായ എട്ട് പേരടങ്ങുന്ന സംഘമാണ് സ്വയം തയ്യാറായി രാവിലെ മുതൽ പ്രവൃത്തികൾക്ക് ഇറങ്ങിയത്. ഇവരുടെ നേതൃത്വത്തിൽ അഴീക്കോട് - പടാകുളം റോഡിന്റെ ഇരുവശത്തെയും പടർന്നു പിടിച്ച പുല്ലുകൾ വെട്ടിമാറ്റുകയും,​ എരിശ്ശേരി പാലം തോട് വൃത്തിയാക്കുകയും ചെയ്തു.

തൊഴിലാളികളുടെ പ്രവൃത്തിയെ വാർഡ് കൗൺസിലർ ടി.എസ്. സജീവൻ അഭിനന്ദിച്ചു. അംഗങ്ങൾക്ക് മാസ്‌ക്, ഗ്ലാസ്, ഹാൻഡ് വാഷ്, സാനിറ്റൈസർ, വിറ്റാമിൻ സി ഗുളിക എന്നിവ നൽകി. ടി.കെ ഹരിദാസൻ, അനിൽകുമാർ, അമൽ, തേജസ് എന്നിവരും പങ്കെടുത്തു.