തൃശൂർ: ദേവസ്വം, പട്ടികജാതി പട്ടികവർഗ ക്ഷേമ മന്ത്രി കെ. രാധാകൃഷ്ണൻ കളക്ടറേറ്റിലെത്തി കളക്ടറുമായി കൂടിക്കാഴ്ച നടത്തി. കളക്ടർ എസ്. ഷാനവാസ് പൂച്ചെണ്ട് നൽകി സ്വീകരിച്ചു. ജില്ലയിലെ മഴക്കാല ഒരുക്കങ്ങൾ സംബന്ധിച്ച് മന്ത്രി ചർച്ച നടത്തി. മഴക്കാലത്ത് ജില്ലയിൽ സ്വീകരിച്ചിട്ടുള്ള മുന്നൊരുക്കങ്ങളെ സംബന്ധിച്ച് കളക്ടർ വിശദീകരിച്ചു. ദുരന്തനിവാരണം ഡെപ്യൂട്ടി കളക്ടർ വി.എസ്. ബിനു, ഹുസൂർ ശിരസ്തദാർ കെ.ജി. പ്രാൺസിംഗ് തുടങ്ങിയവർ സന്നിഹിതരായി.