തൃശൂർ: കൊവിഡിൽ ഓൺലൈനിലൂടെ കുട്ടികളുടെ തലയെണ്ണിയപ്പോൾ ആകെ 3,21,205 കുട്ടികൾ ഒന്നു മുതൽ പത്ത് വരെയുള്ള ക്ലാസുകളിൽ പഠിക്കുന്നുവെന്ന് വിദ്യാഭ്യാസ വകുപ്പിന്റെ കണക്ക്. ആറാം പ്രവൃത്തി ദിനത്തിലാണ് തലയെണ്ണിയത്. കൊവിഡ് വ്യാപനത്തിന്റെ പശ്ചാത്തലത്തിൽ രണ്ട് ദിവസം നീട്ടി നല്കിയിരുന്നു. എന്നാൽ ഒരു ദിവസം വൈകിയാണ് കണക്ക് ലഭിച്ചത്. സർക്കാർ, എയ്ഡഡ്, അൺഎയ്ഡഡ് മേഖലകളിൽ 1027 സ്‌കൂളുകളാണുള്ളത്. കഴിഞ്ഞ വർഷത്തെ കണക്ക് ഇത്തരത്തിൽ ശേഖരിച്ചിട്ടില്ല. കുട്ടികൾക്കുള്ള പുസ്തക വിതരണം അവസാന ഘട്ടത്തിലാണ്. കുടുംബശ്രീ പ്രവർത്തകരുടെ സഹായത്തോടെയാണ് പുസ്തകങ്ങൾ സ്‌കൂളുകളിലെത്തിച്ചത്. 1,63,310 ആൺകുട്ടികളും 1,57,925 പെൺകുട്ടികളുമാണ് പൊതു വിദ്യാലയങ്ങളിൽ പഠിക്കുന്നത്.
സർക്കാർ സ്കൂളിൽ 66,479
36,214 ആൺകുട്ടികളും 30,265 പെൺകുട്ടികളും അടക്കം 66,479 വിദ്യാർത്ഥികളാണ് സർക്കാർ സ്‌കൂളുകളിലുള്ളത്. 2,18,884 കുട്ടികളാണ് എയ്ഡഡ് മേഖലയിൽ. ഇതിൽ 1,07,090 ആൺകുട്ടികളും 1,11,789 പെൺകുട്ടികളുമാണുള്ളത്. അൺഎയ്ഡഡ് മേഖലയിൽ 20,005 ആൺകുട്ടികളും 15,881 പെൺകുട്ടികളും അടക്കം 35,886 കുട്ടികളുമുണ്ട്.
ഒന്നാം ക്ലാസിൽ 28,086
ഒന്നാം ക്ലാസിൽ ഇത്തവണ പ്രവേശനം നേടിയത് 28,086 പേരാണ്. കഴിഞ്ഞ തവണ ഒന്നാം ക്ലാസിൽ പ്രവേശനം നേടിയവർക്ക് ഇതുവരെയും അക്ഷരമുറ്റത്തെത്താൻ സാധിച്ചിട്ടില്ല. ഇത്തവണ 14,174 ആൺകുട്ടികളും 13,912 പെൺകുട്ടികളും ഒന്നിൽ പ്രവേശനം നേടി. സർക്കാർ സ്കൂളിൽ 5,635 കുട്ടികളാണുള്ളത്. 18,364 കുട്ടികൾ എയ്ഡഡിലും 4087 കുട്ടികൾ ആൺ എയ്ഡഡിലും പ്രവേശനം നേടി.
രണ്ട് മുതൽ പത്ത് വരെ പഠിക്കുന്നവർ
രണ്ട് 29622
മൂന്ന് 29200
മൂന്ന് 29210
നാല് 31293
അഞ്ച് 32238
ആറ് 32107
ഏഴ് 33471
എട്ട് 34938
ഒമ്പത് 34222
പത്ത് 36053