ചാവക്കാട്: ലോക്ക്ഡൗണിൽ കൂടുതൽ ഇളവ് നൽകിയതിനാൽ ഇന്ന് ചാവക്കാട് വലിയ തിരക്ക് അനുഭവപ്പെട്ടു. ആവശ്യസാധനങ്ങൾ ഉൾപ്പെടെയുള്ള എല്ലാ വ്യാപാര സ്ഥാപനങ്ങൾൾക്ക് പുറമെ ജ്വല്ലറി, വസ്ത്ര വ്യാപാര സ്ഥാപനം, ബുക്ക്‌ ഷോപ്പ് തുടങ്ങിയ സ്ഥാപനങ്ങൾ പ്രവർത്തിച്ചു. അതിനാൽ നഗരത്തിൽ വാഹനങ്ങളുടെ എണ്ണവും കൂടുതലായിരുന്നു. നഗരത്തിൽ ഗതാഗത തടസ്സം ഉണ്ടായി. എല്ലാകടകളും തുറന്ന് പ്രവർത്തിച്ചതിനാൽ സാധനങ്ങൾ വാങ്ങിക്കുന്നതിനും മറ്റുമായി നിരവധി പേരാണ് നിരത്തിലിറങ്ങിയത്. ബാങ്കുകൾ, എ.ടി.എം സെന്റർ എന്നിവിടങ്ങളിൽ തിരക്ക് കൂടുതലായിരുന്നു. ചാവക്കാട് പൊലീസ് ഇടപെട്ട് തിരക്ക് നിയന്ത്രിച്ചു.