കൊടുങ്ങല്ലൂർ: ഇന്ധന വിലവർദ്ധനവിൽ പ്രതിഷേധിച്ച് കോൺഗ്രസ് പ്രവർത്തകർ പുല്ലൂറ്റ് പെട്രോൾ പമ്പിന് മുമ്പിൽ നടത്തിയ ധർണ കെ.പി.സി.സി സെക്രട്ടറി സി.എസ് ശ്രീനിവാസ് ഉദ്ഘാടനം ചെയ്തു. ഇ.എസ് സാബു അദ്ധ്യക്ഷനായി. ശ്രീദേവി വിജയകുമാർ, സുനില മോഹൻ,​ ഡെലി വർഗീസ്, സുജ ജോയ്, ആശ ശിവൻ തുടങ്ങിയവർ സംസാരിച്ചു.

കൊടുങ്ങല്ലൂർ കിഴക്കേ നടയിൽ നടന്ന ധർണ ഡി.സി.സി സെക്രട്ടറി വി.എം മൊഹിയുദ്ദീൻ ഉദ്ഘാടനം ചെയ്തു. കെ.പി സുനിൽകുമാർ അദ്ധ്യക്ഷനായി. എൻ.വി ആന്റപ്പൻ, സുനിൽ കളരിക്കൽ,​ സുശീൽകുമാർ എന്നിവർ സംസാരിച്ചു. ചന്തപ്പുരയിൽ ഡി.സി.സി സെക്രട്ടറി കെ.കെ രവി ഉദ്ഘാടനം ചെയ്തു. നിഷാഫ് കുര്യപ്പിള്ളി അദ്ധ്യക്ഷനായി. ഐ.കെ ഗോവിന്ദൻ, റൂവിൻ വിശ്വം, സനൽ സത്യൻ, ജയ പരമൻ എന്നിവർ സംസാരിച്ചു.