ആറ്റിങ്ങൽ: കൊവിഡ് പ്രതിരോധിക്കാനുള്ള സിദ്ധ ഔഷധ കിറ്റുകൾ സീനിയർ മെഡിക്കൽ ഓഫീസർ ഡോ. വിജയകുമാർ ചെയർപേഴ്സൺ അഡ്വ. എസ്. കുമാരിക്ക് കൈമാറി. വൈസ് ചെയർമാൻ ജി. തുളസീധരൻ പിള്ള, ഹെൽത്ത് സ്റ്റാൻഡിംഗ് കമ്മിറ്റി ചെയർപേഴ്സൺ രമ്യ സുധീർ, കൗൺസിലർ ലൈലാ ബീവി, ദീപാ രാജേഷ്, സെക്രട്ടറി എസ്. വിശ്വനാഥൻ എന്നിവർ പങ്കെടുത്തു.

നഗരപരിധിയിൽ താമസിക്കുന്ന ഗുരുതരമല്ലാത്ത കൊവിഡ് രോഗികൾക്കാണ് ഈ ഔഷധം നൽകുന്നത്. രോഗം സ്ഥിരീകരിച്ച വ്യക്തി 7 ദിവസത്തിനുള്ളിൽ ഈ മരുന്ന് കൈപ്പറ്റിയിരിക്കണം. 1- 60 വയസ് വരെ പ്രായമുള്ളവർക്ക് ഇൗ ഔഷധം ഉപയോഗിക്കാം. മറ്റ് രോഗങ്ങൾക്കുള്ള മരുന്ന് കഴിക്കുന്നവർക്കും ഈ പ്രതിരോധ മരുന്ന് കഴിക്കാം. 20 ദിവസമാണ് മരുന്ന് കഴിക്കേണ്ട കാലാവധി. ഗർഭിണികളും മുലയൂട്ടുന്ന അമ്മമാരും ഈ മരുന്ന് ഉപയോഗിക്കരുതെന്നും വിജയകുമാർ പറഞ്ഞു.

കൊവിഡ് രോഗികൾക്ക് പ്രതിരോധ സിദ്ധ ഔഷധം ലഭിക്കുന്നതിന് അവനവഞ്ചേരി ഗ്രാമത്തുമുക്ക് ഗവ.സിദ്ധ ഡിസ്‌‌പെൻസറിയിലൊ സീനിയർ മെഡിക്കൽ ഓഫീസറെയോ ബന്ധപ്പെടാവുന്നതാണ്. ഫോൺ: 9539339345