തിരുവനന്തപുരം: ജില്ലയിൽ ഇന്നലെ 2,007 പേർക്കു കൂടി കൊവിഡ് സ്ഥിരീകരിച്ചു. രോഗം സ്ഥിരീകരിച്ചവരിൽ 1,845 പേർക്ക് സമ്പർക്കത്തിലൂടെയാണ് രോഗബാധയുണ്ടായത്. ഇതിൽ എട്ട് പേർ ആരോഗ്യപ്രവർത്തകരാണ്. 16.6 ശതമാനമാണ് ജില്ലയിലെ ടെസ്റ്റ് പോസിറ്റിവിറ്റി നിരക്ക്.ഇന്നലെ 2,507 പേർ രോഗമുക്തി നേടി. നിലവിൽ 13,597 പേരാണ് രോഗം സ്ഥിരീകരിച്ച് ജില്ലയിൽ ചികിത്സയിൽ കഴിയുന്നത്. 3,438 പേരെക്കൂടി പുതുതായി നിരീക്ഷണത്തിലാക്കി.ഇതോടെ ജില്ലയിൽ നിരീക്ഷണത്തിലുള്ളവരുടെ ആകെ എണ്ണം 69,586 ആയി. 6,756 പേർ നിരീക്ഷണകാലം പൂർത്തിയാക്കി.