തിരുവനന്തപുരം: ജില്ലയിൽ ഇന്നലെ 1,481 പേർക്കു കൂടി കൊവിഡ് സ്ഥിരീകരിച്ചു.സംസ്ഥാനത്തെ ഏറ്റവും ഉയർന്ന കണക്കും ഇതു തന്നെ. 2,275 പേർ രോഗമുക്തരായി.12, 703 പേരാണ് രോഗം സ്ഥിരീകരിച്ച് ഇപ്പോൾ ചികിത്സയിൽ കഴിയുന്നത്.ഇന്നലെ രോഗം സ്ഥിരീകരിച്ചവരിൽ 1,386 പേർക്കു സമ്പർക്കത്തിലൂടെയാണ് രോഗബാധയുണ്ടായത്.ഇതിൽ 6 പേർ ആരോഗ്യ പ്രവർത്തകരാണ്.14.9 ശതമാനമാണ് ജില്ലയിലെ ടെസ്റ്റ് പോസിറ്റീവിറ്റി നിരക്ക്.ജില്ലയിൽ പുതുതായി 2,606 പേരെക്കൂടി നിരീക്ഷണത്തിലാക്കി. ഇതോടെ കൊവിഡുമായി ബന്ധപ്പെട്ടു ജില്ലയിൽ നിരീക്ഷണത്തിലുള്ളവരുടെ ആകെ എണ്ണം 61,756 ആയി.ഇന്നലെവരെ നിരീക്ഷണത്തിലുണ്ടായിരുന്ന 4,530 പേർ നിരീക്ഷണകാലം പൂർത്തിയാക്കി.