ബാലരാമപുരം: സി.പി.ഐ - എ.ഐ.വൈ.എഫ് കല്ലിയൂർ ലോക്കൽ കമ്മറ്റികളുടെ ആഭിമുഖ്യത്തിൽ കുട്ടികൾക്കായി സൗജന്യ ഓൺലൈൻ ക്ലാസ് ആരംഭിച്ചു. കൊവിഡ് കാരണം സ്കൂളിലോ, ട്യൂഷൻ ക്ലാസിലോ പോകാൻ കഴിയാത്ത കുട്ടികൾക്കാണ് വിവിധ അദ്ധ്യാപകർ ക്ലാസെടുക്കുന്നത്. പെയ്ഡ് ലേണിംഗ് ആപ്പുകൾക്കെതിരായി കച്ചവടവത്കരിക്കപ്പെടുന്ന വിദ്യാഭ്യാസ നയത്തോടുള്ള പ്രതിഷേധം കൂടിയാണ് എ.ഐ.വൈ.എഫ് – സി.പി.ഐ കല്ലിയൂർ ലോക്കൽ കമ്മിറ്റി ഓൺലൈൻ ക്ലാസ് സംഘടിപ്പിക്കുന്നത്. സൗജന്യ ഓൺലൈൻ പരിശീലനം, സ്നേഹപൂർവം സതീർത്ഥ്യൻ പരിപാടിയുടെ ഉദ്ഘാടനം മന്ത്രി ജി.ആർ. അനിൽ ഉദ്ഘാടനം ചെയ്തു. ഊക്കോട് കൃഷ്ണൻകുട്ടി അദ്ധ്യക്ഷത വഹിച്ചു. സി.പി.ഐ ജില്ലാ അസി. സെക്രട്ടറി പള്ളിച്ചൽ വിജയൻ,​ കോവളം മണ്ഡലം സെക്രട്ടറി കാഞ്ഞിരംകുളം ഗോപാലകൃഷ്ണൻ,​ കോവളം മണ്ഡലം സെക്രട്ടറി, ഊക്കോട് കൃഷ്ണൻക്കുട്ടി,​ കല്ലിയൂർ ലോക്കൽ കമ്മിറ്റി സെകട്ടറി സി.എസ്. രാധകൃഷ്ണൻ,​ ഗിരിജ, ബൈജു, കല്ലിയൂർ രാജു, എ.ഐ.വൈ.എഫ് ജില്ല വൈ.പ്രസിഡന്റ് ആദർശ് കൃഷ്ണ,, പരിപാടിയുടെ കോ-ഓർഡിനേറ്റർ എം.എസ്. അനീഷ്, അരുൺ മോഹൻ, അരവിന്ദ്, നിഥിൻ എന്നിവർ സംസാരിച്ചു.