തിരുവനന്തപുരം:ജില്ലയിൽ ഇന്നലെ 2,060 പേർക്ക് കൂടി കൊവിഡ് സ്ഥിരീകരിച്ചു.1,821 പേർ രോഗമുക്തരായി. 16.8 ശതമാനമാണ് ടെസ്റ്റ് പോസിറ്റിവിറ്റി നിരക്ക്.രോഗം സ്ഥിരീകരിച്ച് 14,108 പേർ ചികിത്സയിലുണ്ട്.ഇന്നലെ രോഗം സ്ഥിരീകരിച്ചവരിൽ 1,966 പേർക്ക് സമ്പർക്കത്തിലൂടെയാണ് രോഗബാധയുണ്ടായത്.ഇതിൽ 11 പേർ ആരോഗ്യ പ്രവർത്തകരാണ്.പുതുതായി 3,198 പേരെ ജില്ലയിൽ നിരീക്ഷണത്തിലാക്കി.4,156 പേർ നിരീക്ഷണകാലം പൂർത്തിയാക്കി. നിലവിൽ നിരീക്ഷണത്തിലുള്ളവരുടെ ആകെ എണ്ണം 55,210 ആയി.