തിരുവനന്തപുരം: പൊതുവിദ്യാഭ്യാസ യജ്ഞത്തിന്റെ ഭാഗമായി വിദ്യാർത്ഥികൾക്ക് മൊബൈൽ ഫോൺ അടക്കമുള്ള പഠനസഹായികൾ ലഭ്യമാക്കാൻ സ്‌കൂളുകൾ കേന്ദ്രീകരിച്ച് സഹായസമിതികൾ രൂപവത്കരിക്കണമെന്ന് മന്ത്റി വി. ശിവൻകുട്ടി അഭിപ്രായപ്പെട്ടു. മേട്ടുക്കട എൽ.പി.എസ്, ഗവൺമെന്റ് എച്ച്.എസ്.എസ് കമലേശ്വരം എന്നിവിടങ്ങളിൽ വിദ്യാർത്ഥികൾക്ക് പഠനാവശ്യത്തിനായി മൊബൈൽഫോൺ വിതരണം ചെയ്യുകയായിരുന്നു മന്ത്റി.

സമിതി രൂപവത്കരിക്കാൻ തദ്ദേശഭരണ പ്രതിനിധികൾ, സ്‌കൂൾ ഹെഡ്മാസ്​റ്റർമാർ തുടങ്ങിയവർ മുൻകൈയെടുക്കണം. മേട്ടുക്കട എൽ.പി.എസിലും ഗവൺമെന്റ് എച്ച്.എസ്.എസ് കമലേശ്വരത്തും മൊബൈൽ ഫോണുകൾ സമാഹരിച്ചത് ഇത്തരം സഹായസമിതികൾ ആണെന്നും മന്ത്റി പറഞ്ഞു. കേരളത്തിലെ എല്ലാ ഇടങ്ങളിലുമുള്ള വിദ്യാർത്ഥികൾക്ക് ഡിജി​റ്റൽ ഓൺലൈൻ പഠനത്തിനാവശ്യമുള്ള ഡിജി​റ്റൽ ഉപകരണങ്ങളും നെ​റ്റ് വർക്ക് കവറേജ് ഇല്ലാത്ത ഇടങ്ങളിൽ ഇന്റർനെ​റ്റും എത്തിക്കാനുള്ള പ്രവർത്തനം നടക്കുകയാണ്. പട്ടികവർഗ കോളനികളിലാണ് ആദ്യഘട്ടമെന്നനിലയിൽ യുദ്ധകാലടിസ്ഥാനത്തിൽ ഈ പ്രവർത്തനം നടക്കുന്നത്. ഡി.ഡി.ഇയും എ.ഇ.ഒമാരും ഈ പ്രവർത്തനങ്ങൾക്ക് മുൻകൈ എടുക്കണം. പട്ടികവർഗ കോളനികളിലെ സ്ഥിതി വിവര റിപ്പോർട്ട് ഡി.ഡി.ഇമാർ ജൂൺ 20നകം പൊതുവിദ്യാഭ്യാസ ഡയറക്ടർക്ക് കൈമാറണമെന്നും മന്ത്റി നിർദേശിച്ചു.