ആറ്റിങ്ങൽ: സുഭിക്ഷ കേരളം പദ്ധതിയുടെ ഭാഗമായി ആറ്റിങ്ങൽ നഗരസഭയും കർഷകക്ഷേമ വകുപ്പും സംയുക്തമായി നടപ്പിലാക്കുന്ന കാർഷിക വികസന പദ്ധതി ചെയർപേഴ്സൺ അഡ്വ. എസ്. കുമാരി ഉദ്ഘാടനം ചെയ്തു. ഓണത്തിന് ഒരു മുറം പച്ചക്കറി എന്ന ആശയം വിജയകരമായി നടപ്പിലാക്കാനൊരുങ്ങുന്ന നഗരസഭയും കൃഷിഭവനും 5000 പേർക്കുള്ള പച്ചക്കറി വിത്തും 25000 പച്ചക്കറി തൈകളുമാണ് തയാറാക്കിയിട്ടുള്ളത്. വിവിധ ഭാഗങ്ങളിലെ തരിശുഭൂമികൾ ഏറ്റെടുത്ത് കൃഷി ചെയ്യാനും പൊതുകുളങ്ങളിൽ മത്സ്യകൃഷി നടപ്പാക്കാനും കൃഷിയുടെ ചെലവിലേക്ക് ഒരു ഹെക്ടറിന് 40000 രൂപയുടെ ധനസഹായം കർഷകർക്ക് സമയബന്ധിതമായി ലഭ്യമാക്കാനും കാർഷിക വായ്‌പ ഉറപ്പാക്കാനും കർഷക സേവന കേന്ദ്രത്തിന്റെ പ്രവർത്തനം കാര്യക്ഷമമാക്കാനും തീരുമാനിച്ചു. വിശദവിവരങ്ങൾക്ക് 0470 2623121, 8089376737 എന്നീ നമ്പറിലോ നഗരസഭ കൃഷിഭവനിലോ ബന്ധപ്പെടാം.