തിരുവനന്തപുരം:തലസ്ഥാനത്ത് പൊലീസുകാർക്കിടയിൽ കൊവിഡ് വ്യാപനം രൂക്ഷം.രണ്ട് എസ് ഐമാർ ഉൾപ്പെടെ 25ലേറെ പേർക്കാണ് സിറ്റി പൊലീസിൽ കഴിഞ്ഞ ദിവസങ്ങളിൽ രോഗം ബാധിച്ചത്. പേരൂർക്കട സ്‌റ്റേഷനിലെ 12 പൊലീസുകാർക്കാണ് കൊവിഡ് സ്ഥിരീകരിച്ചത്.സിറ്റി സ്‌പെഷ്യൽ ബ്രാഞ്ചിലെ ഏഴ് പേർക്കും കന്റോൺമെന്റ് സ്‌റ്റേഷനിലെ ആറ് പേർക്കും രോഗം ബാധിച്ചു.റൂറൽ പൊലീസിലും സേനാംഗങ്ങൾക്കിടയിൽ കൊവിഡ് വ്യാപിക്കുന്നുണ്ട്. രണ്ടാം തരംഗം രൂക്ഷമായതിന് പിന്നാലെ സംസ്ഥാനത്ത് കൊവിഡ് നിയന്ത്രണങ്ങൾ കർശനമാക്കിയിരുന്നു. നിയന്ത്രണം പാലിക്കുന്നത് ഉറപ്പുവരുത്തുന്നതിന്റെ ഭാഗമായി പൊലീസുകാരെ വിവിധയിടങ്ങളിൽ വിന്യസിച്ചിരുന്നു. ജനങ്ങളുമായുണ്ടായ സമ്പർക്കം രോഗവ്യാപനത്തിന് ഇടയാക്കിയെന്നാണ് വിലയിരുത്തൽ.അതേസമയം, പൊലീസുകാർ കൊവിഡ് ബാധിതരായെങ്കിലും ബുധനാഴ്ച വരെ ലോക്ക് ഡൗൺ പരിശോധന കർശനമായി തുടരേണ്ടതുണ്ട്.