മലയിൻകീഴ്: മലയിൻകീഴ് ഗ്രാമപഞ്ചായത്തിൽ കൊവിഡ് രോഗികളുടെ എണ്ണം ദിനം പ്രതി വർദ്ധിക്കുന്നത് ജനങ്ങളിൽ ആശങ്ക പടരുകയാണ്. കഴിഞ്ഞ ഒരാഴ്ചയായി പഞ്ചായത്തിൽ കണ്ടയ്മെന്റ് സോണാണ്. തുറക്കാവുന്ന വ്യാപാര സ്ഥാപനങ്ങൾക്ക് രാവിലെ 7 മുതൽ വൈകിട്ട് 4 വരെയാണ് സമയം ക്രമീകരിച്ചിരിക്കുന്നത്. ഇന്നലെയും 22 ശതമാനമാണ് ടി.പി.ആർ.നിരക്ക്.പ്രൈമറി കോണ്ടാക്റ്റിലുള്ളവരെ പരിശോധിക്കുന്നതാണ് ടി.പി.ആർ.കുറയാത്തതെന്നാണ് അധികൃതർ നൽകുന്ന വിവരം. വരും ദിവസങ്ങളിൽ പരിശോധന ത്വരിതപ്പെടുത്തുമെന്നും എല്ലാ പേരെയും പരിശോധിക്കാനുള്ള നടപടികൾ സ്വീകരിക്കുമെന്നും പഞ്ചായത്ത് വൈസ് പ്രസിഡന്റ് എസ്. സുരേഷ് ബാബു അറിയിച്ചു. മഞ്ചാടി, കുന്നംപാറ എന്നീ സ്ഥലങ്ങളിലാണ് നിലവിൽ കൂടുതൽ കൊവിഡ് ബാധിതരുള്ളത്.