തിരുവനന്തപുരം: നഗരത്തിൽ കൊവിഡ് സുരക്ഷാലംഘനം നടത്തിയ 335 പേർക്കെതിരെ നിയമനടപടി സ്വീകരിച്ചു. രോഗവ്യാപനമുണ്ടാക്കുന്ന തരത്തിൽ വിലക്ക് ലംഘനം നടത്തിയ 55 പേർക്കെതിരെ എപ്പിഡെമിക് ഡിസീസസ് ഓർഡിനൻസ് 2020 പ്രകാരമാണ് കേസെടുത്തത്. മാസ്‌ക് ധരിക്കാത്തതിന് 131 പേരിൽ നിന്നും, സാമൂഹിക അകലം പാലിക്കാത്ത 27 പേരിൽ നിന്നുമായി 79,000 രൂപ പിഴ ഈടാക്കി. കൂടാതെ അനാവശ്യയാത്ര നടത്തിയ 122 വാഹനങ്ങൾക്കെതിരെയും നടപടി സ്വീകരിച്ചു. റൂറൽ മേഖലയിൽ 1009 കേസുകളിലായി 523 പേർ പിടിയിലായി. 831 വാഹനങ്ങളും കസ്റ്റഡിയിലെടുത്തു.