വർക്കല: ടെസ്റ്റ് പോസിറ്റിവിറ്റി നിരക്ക് കുറക്കുന്നതിന്റെ ഭാഗമായി ചെമ്മരുതി ഗ്രാമപഞ്ചായത്ത് ഭരണസമിതിയും ചെമ്മരുതി കുടുംബാരോഗ്യ കേന്ദ്രവും സംയുക്തമായി സർക്കാർ നിർദ്ദേശങ്ങൾക്കൊപ്പം കൂടുതൽ നിയന്ത്രണങ്ങൾ ഏർപ്പെടുത്തിയതായി ഗ്രാമപഞ്ചായത്ത് പ്രസിഡന്റ് പ്രിയങ്ക ബിറിൽ അറിയിച്ചു. നിലവിൽ പഞ്ചായത്ത് ക്രിട്ടിക്കൽ കണ്ടെയ്ൻമെന്റ് സോണാണ്.

നിയന്ത്രണങ്ങൾ ചുവടെ

1)പഴം, പച്ചക്കറി, മത്സ്യം, മാംസം, പലചരക്ക്, പാലുല്പന്നങ്ങൾ എന്നിവ വിൽക്കുന്ന വ്യാപാര സ്ഥാപനങ്ങൾ ഇനിയൊരറിയിപ്പ്
ഉണ്ടാകുന്നതുവരെ രാവിലെ 8 മണി മുതൽ ഉച്ചയ്ക്ക് ശേഷം 2 വരെ മാത്രം തുറന്ന് പ്രവർത്തിക്കാം.
2)ഭക്ഷണ ശാലകളിൽ നിന്ന് നേരിട്ടുള്ള കച്ചവടം നിരോധിച്ചു. ഹോം ഡെലിവറി മാത്രം.

ചായക്കടകൾ തുറക്കാൻ പാടില്ല.

3)ശനി, ഞായർ ദിവസങ്ങളിൽ സമ്പൂർണ ലോക്ക് ഡൗണായതിനാൽ വ്യാപാര സ്ഥാപനങ്ങൾ തുറക്കാൻ പാടില്ല.

നിർദ്ദേശങ്ങൾക്ക് വിരുദ്ധമായി പ്രവർത്തിക്കുന്ന വ്യാപാര സ്ഥാപനങ്ങൾക്കെതിരെ പിഴ ചുമത്തുന്നതുൾപ്പടെയുള്ള കർശന നിയമ നടപടികൾ സ്വീകരിക്കും.

പ്രിയങ്ക ബിറിൽ,

ചെമ്മരുതി ഗ്രാമപഞ്ചായത്ത് പ്രസിഡന്റ്