തിരുവനന്തപുരം: ജില്ലയിൽ ഇന്നലെ 1,550 പേർക്ക് കൂടി കൊവിഡ് സ്ഥിരീകരിച്ചു. രോഗം സ്ഥിരീകരിച്ചവരിൽ 1,387 പേർക്ക് സമ്പർക്കത്തിലൂടെയാണ് രോഗബാധയുണ്ടായത്. ഇതിൽ 10 പേർ ആരോഗ്യപ്രവർത്തകരാണ്. 10 ശതമാനമാണ് ജില്ലയിലെ ടെസ്റ്റ് പോസിറ്റിവിറ്റി നിരക്ക്. 1,581 പേർ ഇന്നലെ രോഗമുക്തരായി. 12,670 പേരാണ് രോഗബാധിതരായി ചികിത്സയിലുള്ളത്. പുതുതായി 2,817 പേരെ ജില്ലയിൽ നിരീക്ഷണത്തിലാക്കി. 3,826 പേർ നിരീക്ഷണകാലം രോഗലക്ഷണങ്ങളില്ലാതെ പൂർത്തിയാക്കി. നിരീക്ഷണത്തിലുള്ളവരുടെ ആകെ എണ്ണം 47,650 ആയി.