തിരുവനന്തപുരം: കെ.പി.സി.സി അദ്ധ്യക്ഷൻ കെ. സുധാകരൻ സംസാരിക്കുന്നത് തെരുവുഗുണ്ടയുടെ ഭാഷയിലാണെന്ന് സി.പി.എം സംസ്ഥാന സെക്രട്ടറിയുടെ ചുമതലയുള്ള എ. വിജയരാഘവൻ കുറ്റപ്പെടുത്തി. കോൺഗ്രസ് ക്രിമിനൽ സ്വഭാവത്തിലേക്ക് മാറുന്നതിന്റെ സൂചനയാണ് അദ്ദേഹത്തിന്റെ വാക്കുകൾ. കുറച്ച് ദിവസമായി കെ.പി.സി.സി അദ്ധ്യക്ഷന്റെ വികടഭാഷണം കേൾക്കുന്നു. കേരളം കാത്തുസൂക്ഷിക്കുന്ന മഹനീയമായ രാഷ്ട്രീയ സ്വഭാവരീതിക്ക് എതിരാണത്. കേരളത്തിലെ ജനങ്ങൾ ഇതിനെ പിന്തുണയ്ക്കില്ല. സുധാകരനെ അദ്ധ്യക്ഷനാക്കിയവരാണ് ഇതിന് മറുപടി പറയേണ്ടതെന്നും വിജയരാഘവൻ പ്രതികരിച്ചു.