തിരുവനന്തപുരം: ജില്ലയിൽ ഇന്നലെ 1,600 പേർക്കു കൂടി കൊവിഡ് സ്ഥിരീകരിച്ചു. 1,877 പേർ രോഗമുക്തരായി. 9.6 ശതമാനമാണ് ടെസ്റ്റ് പോസിറ്റിവിറ്റി നിരക്ക്. രോഗം സ്ഥിരീകരിച്ച് 12,481 പേർ ചികിത്സയിലുണ്ട്. ഇന്നലെ രോഗം സ്ഥിരീകരിച്ചവരിൽ 1,497 പേർക്കു സമ്പർക്കത്തിലൂടെയാണ് രോഗബാധയുണ്ടായത്. ഇതിൽ ഒമ്പതുപേർ ആരോഗ്യ പ്രവർത്തകരാണ്. പുതുതായി 3,143 പേരെ ജില്ലയിൽ നിരീക്ഷണത്തിലാക്കി. 2,450 പേർ നിരീക്ഷണകാലം രോഗലക്ഷണങ്ങളില്ലാതെ പൂർത്തിയാക്കി.