വെള്ളറട: പെട്രോൾ ഡീസൽ വില വർദ്ധനവിനെതിരെ സംയുക്ത ട്രേഡ് യൂണിയൻ വെള്ളറട ഏരിയായിലെ നാലു കേന്ദ്രങ്ങളിൽ വാഹനങ്ങൾ നിറുത്തിയിട്ട് ചക്രസ്‌തംഭന സമരം നടത്തി. വെള്ളറടയിൽ സി.പി.എം ഏരിയാ സെക്രട്ടറി ഡി.കെ. ശശി ഉദ്ഘാടനം നടത്തി. എസ്. നീലകണ്ഠൻ ,പി.കെ. ബേബി തുടങ്ങിയവർ സംസാരിച്ചു. മണ്ഡപത്തിൻ കടവിൽ ഐ. സൈനുലാബ്ദീൻ ഉദ്ഘാടനം ചെയ്‌തു. കുന്നത്തുകാലിൽ എസ്.എസ്. റോജി ഉദ്ഘാടനം ചെയ്‌തു. ടി. വിനോദ്, ജി. കുമാർ തുടങ്ങിയവർ സംസാരിച്ചു.
ഒറ്റശേഖരമംഗലത്തു നടത്തിയ സമരം സി.ഐ.ടി.യു വെള്ളറട ഏരിയാ സെക്രട്ടറി ബി. കൃഷണപിള്ള ഉദ്ഘാടനം ചെയ്‌തു. തുടലി സദാശിവൻ, അനീഷ് ചൈതന്യ, വീരേന്ദ്രപ്രസാദ്, ഒറ്റശേഖരമംഗലം പുഷ്പൻ തുടങ്ങിയവർ സംസാരിച്ചു.