കുണ്ടറ: വീട്ടമ്മയെ വീട്ടുമുറ്റത്തെ കിണറ്റിൽ മരിച്ച നിലയിൽ കണ്ടെത്തി. പടപ്പക്കര എൻ.എസ് നഗറിൽ നിഷാദ് ഭവനത്തിൽ ജോണിയുടെ ഭാര്യ ത്രേസ്യയാണ് (60) മരിച്ചത്. ഭർത്താവായ ജോണി മത്സ്യ ബന്ധനത്തിന് പോയതാണ്. തിരിച്ചെത്തിയപ്പോൾ ത്രേസ്യയെ കാണാതായതിനാൽ നടത്തിയ തെരച്ചിലിലാണ് കിണറ്റിൽ മൃതദേഹം കണ്ടെത്തിയത്. നാട്ടുകാർ വായുസഞ്ചാരമില്ലാത്ത കിണറ്റിൽ നിന്ന് മൃതദേഹം കരയ്ക്കെടുക്കാൻ ശ്രമിച്ചെങ്കിലും വിഫലമായി. ഫയർ ആൻഡ് റെസ്ക്യൂ ഓഫീസർ മിഥിലേഷ് എം .കുമാർ ബ്രീത്തിംഗ് അപ്പാരറ്റസ് സെറ്റിന്റെ സഹായത്താൽ നല്ല താഴ്ചയും വായുസഞ്ചാരമില്ലാത്തതും തൊടികൾ ഇടിഞ്ഞ് വീഴുന്നതുമായ കിണറ്റിൽ ഇറങ്ങി. ഏറെ നേരത്തെ പരിശ്രമത്തിനൊടുവിൽ കയറിൽ കെട്ടിവലിച്ചാണ് മൃതദേഹം കരയ്ക്കെടുത്തത്.