തിരുവനന്തപുരം: നഗരത്തിലെ നിർദ്ധനരായ വിദ്യാർത്ഥികളെ കണ്ടത്തി ഓൺലൈൻ പഠന ഉപകരണങ്ങൾ നൽകുന്നതിന് കോർപ്പറേഷൻ ആവിഷ്കരിച്ച ഗിഫ്റ്റ് എ സ്‌മൈൽ ചാലഞ്ച് പരിപാടി വിജയിപ്പിക്കുന്നതിന് കെ.എസ്.ഇ.ബി വർക്കേഴ്സ് അസോസിയേഷൻ (സി.ഐ.ടി.യു ) തിരുവനന്തപുരം നഗരത്തിലെ ഡിവിഷൻ കമ്മിറ്റികളായ വൈദ്യുതി ഭവൻ, തിരുവനന്തപുരം, കഴക്കൂട്ടം കമ്മിറ്റികൾ സ്വരൂപിച്ച 10 മൊബൈൽ ഫോണുകൾ മേയർ ആര്യാരാജേന്ദ്രന് കൈമാറി. കെ.എസ്.ഇ.ബി വർക്കേഴ്സ് അസോസിയേഷൻ (സി.ഐ.ടി.യു )സംസ്ഥാന ട്രഷറർ സജു. എ.എച്ച് അദ്ധ്യക്ഷനായി. ശ്രീനാഥ്, സനൽകുമാർ, അനിൽകുമാർ, രാജേന്ദ്രനാഥ്, ലാലു, വിൽബി ജോൺ തുടങ്ങിയവർ പങ്കെടുത്തു.