തിരുവനന്തപുരം: മുതിർന്ന മാദ്ധ്യമ പ്രവർത്തകനും ദി ഹിന്ദു ദിനപത്രം കേരള ബ്യൂറോ ചീഫുമായ എസ്.അനിൽ രാധാകൃഷ്ണൻ (54) നിര്യാതനായി. ഹൃദയാഘാതത്തെ തുടർന്ന് കുറവൻകോണം മാർക്കറ്റ് റോഡിലെ സ്വവസതിയായ സതി ഭവനത്തിലായിരുന്നു അന്ത്യം. കവടിയാർ റസിഡന്റ്സ് അസോസിയേഷൻ സെക്രട്ടറിയായിരുന്നു. പരേതനായ രാധാകൃഷ്ണൻ നായരുടെയും സതി ദേവിയുടെയും മകനാണ്. ഭാര്യ: സിന്ധു എസ്.എസ് (കോട്ടൺഹിൽ സ്കൂൾ അദ്ധ്യാപിക). മകൻ: നാരായൺ (റിലയൻസ് പെട്രോളിയം, ഗുജറാത്ത്).സംസ്കാരം നാളെ രാവിലെ 10ന് തൈക്കാട് ശാന്തികവാടത്തിൽ.