പാലോട്: നന്ദിയോട് ചുണ്ടക്കരിക്കകത്ത് തെങ്കാശിപാതയോട് ചേർന്ന് നിൽക്കുന്ന കൂറ്റൻ മരം അപകടഭീഷണിയുയർത്തുന്നതായി പരാതി. പല തവണ ചില്ലകൾ ഒടിഞ്ഞ് വീണ് അപകടമുണ്ടായി. ആയിരക്കണക്കിന് വാഹനങ്ങളാണ് ദിനംപ്രതി ഇതുവഴി കടന്നു പോവുന്നത്. വളവിൽ നിൽക്കുന്ന മരമായതിനാൽ പെട്ടെന്ന് കാണാനും കഴിയില്ല. മരം മുറിച്ചു മാറ്റുന്നതിന് നാട്ടുകാരും, കെ.എസ്.ഇ.ബിയും പൊതുമരാമത്ത് വകുപ്പിന് പരാതി നൽകിയെങ്കിലും നാളിതുവരെ യാതൊരു നടപടിയും ഉണ്ടായില്ല. ഒരാഴ്ച മുൻപ് മരകൊമ്പ് ഒടിഞ്ഞു വീണ് വൈദ്യുതി ലൈനിന് തകരാർ പറ്റിയിരുന്നു. മഴക്കാലം ശക്തമാകുന്നതിന് മുൻപ് മരം മുറിച്ചു മാറ്റണമെന്നാണ് നാട്ടുകാരുടെ ആവശ്യം.

ഫോട്ടോ: നന്ദിയോട് ചുണ്ടക്കരിക്കകത്ത് റോഡിനോട് ചേർന്ന് അപകടകരമായ നിലയിൽ നില്ക്കുന്ന കൂറ്റൻ മരം