നെടുമങ്ങാട്: വനംകൊള്ള കേസിൽ പ്രതിഷേധിച്ച് കോൺഗ്രസ് മൂഴി മണ്ഡലം കമ്മിറ്റിയുടെ നേതൃത്വത്തിൽ ആനാട് വില്ലേജ് ഓഫീസിന് മുന്നിൽ ധർണ നടത്തി. ജില്ലാ കോൺഗ്രസ് കമ്മിറ്റി അംഗം രഘുനാഥൻ നായർ ഉദ്ഘാടനം ചെയ്‌തു. മണ്ഡലം പ്രസിഡന്റ് ജി. ചിത്രരാജൻ അദ്ധ്യക്ഷത വഹിച്ചു. ഡി.സി.സി മെമ്പർ കെ. ശേഖരൻ, ബ്ലോക്ക് കോൺഗ്രസ് ഭാരവാഹികളായ കല്ലിയോട് ഭുവനേന്ദ്രൻ, വേങ്കവിള സുരേഷ്, മണ്ഡലം കോൺഗ്രസ് ഭാരവാഹികളായ കുളപ്പള്ളി സുനിൽ, പത്മിനി അമ്മ, വേങ്കവിള ജയകുമാർ, കുളപ്പള്ളി അജി, നൗഷാദ് കല്ലിയോട് തുടങ്ങിയവർ നേതൃത്വം നൽകി.