വെഞ്ഞാറമൂട്: കെ.എസ്.ആർ.ടി.സി. ബസും മോട്ടോർ ബൈക്കും കൂട്ടിയിടിച്ച് യുവാവ് മരിച്ചു. ബൈക്ക് യാത്രികനായ അരുവിപ്പുറം കൊച്ചുവിള ഷാജി ഭവനിൽ മോഹനന്റെയും ശോഭയുടെയും മകൻ ഷാജി(32) ആണ് മരിച്ചത്. ചൊവ്വാഴ്ച രാത്രി 7.30ന് കല്ലറ മുതുവിളയ്ക്ക് സമീപം വച്ചായിരുന്നു അപകടം. നെടുമങ്ങാട്ടേക്ക് പോവുകയായിരുന്ന ബസും ,ഷാജി സഞ്ചരിച്ചിരുന്ന ബൈക്കും കൂട്ടിയിടിക്കുകയായിരുന്നു. ബൈക്കിൽ നിന്ന് തെറിച്ച് വീണ് സാരമായി പരിക്കേറ്റ ഷാജിയെ നാട്ടുകാർ ആശുപത്രിയിലേക്ക് കൊണ്ടു പോയെങ്കിലും വഴിമദ്ധ്യേ മരിച്ചു. ഗൾഫിലാരുന്ന ഷാജി അടുത്ത കാലത്താണ് നാട്ടിലെത്തിയത്. ഭാര്യ. അഖില. മകൾ: ശിവാനി.