കായംകുളം: കായംകുളത്തെ ടി​.പി.ആർ നിരക്കിൽ

അവ്യക്തതയെന്ന് വ്യാപാരി വ്യവസായി ഏകോപന സമിതി ആരോപിച്ചു.

കായംകുളം ഗവൺമെന്റ് ഹോസ്പിറ്റലിലെ മറ്റ് സ്വകാര്യ ലബോറട്ടറിയിലും നടക്കുന്ന പരിശോധന കൂടുതലും കായംകുളം പട്ടണത്തിന് പുറത്തുനിന്നുള്ള വിവിധ പഞ്ചായത്തുകളിൽ നിന്നുള്ളവരാണ്. ഈ നടക്കുന്ന പരിശോധനകളെല്ലാം കായംകുളം മുനിസിപ്പലാറ്റിയുടെ കീഴിലാണ് രജിസ്റ്റർ ചെയ്യുന്നത്. ഇത് അശാസ്ത്രീയമാണ്. കായംകുളത്ത് നിലവിൽ 6 ൽ താഴെയാണ് ടി​.പി.ആർ എന്നാണ് നഗരസഭയിലെ റിപ്പോർട്ട്. പക്ഷെ ഡി.എം.ഒയ്ക്ക് ലഭിക്കുന്ന റിപ്പോർട്ടിൽ 12 ന് മുകളിലും. ഇത് സംബന്ധിച്ച് നഗരസഭയ്‌ക്കോ ഹോസ്പിറ്റൽ സൂപ്രണ്ടിനോ മുനിസിപ്പൽ സെക്രട്ടറിയ്‌ക്കോ വ്യക്തത ഇല്ല. വരും ദിവസങ്ങളിൽ കായംകുളം മുനിസിപ്പാലിറ്റി പ്രത്യേകം തരംതിരിച്ച് ആർ.ടി​.പി.സി.ആറും ആന്റിജൻ ടെസ്റ്റും നടത്താൻ ആരോഗ്യവിഭാഗവും മുനിസിപ്പൽ അധികൃതരും തയ്യാറാകണമെന്ന് അവർ ആവശ്യപ്പെട്ടു.

ഇതിന് വരും ദിവസങ്ങളിൽ വ്യക്തത വന്നില്ലെങ്കിൽ സമരപരിപാടികളുമായി മുന്നോട്ട് പോകാൻ യോഗം തീരുമാനിച്ചു. യൂണിറ്റ് പ്രസിഡന്റ് സിനിൽ സബാദ് അദ്ധ്യക്ഷത വഹിച്ചു.