മാവേലിക്കര: താലൂക്ക് ലൈബ്രറി കൗൺസിലിന്റെ വായനപക്ഷാചരണ സമാപനത്തിന്റെ ഭാഗമായി പൊന്നേഴ വാത്തികുളം ജനാധിപത്യ വായനശാലയുടെ നേതൃത്വത്തിൽ ഐ.വി.ദാസ് അനുസ്മരണം നടന്നു. നരേന്ദ്രപ്രസാദ് സ്മാരക നാടകപഠന കേന്ദ്രത്തിൽ നടന്ന അനുസ്മരണ യോഗം എം.എസ്.അരുൺകുമാർ എം.എൽ.എ ഉദ്ഘാടനം ചെയ്തു. പ്രസിഡന്റ് ഷാനവാസ് വള്ളികുന്നം അദ്ധ്യക്ഷത വഹിച്ചു. സംസ്ഥാന ലൈബ്രറി കൗൺസിൽ എക്സിക്യൂട്ടീവംഗം ജി. കൃഷ്ണകുമാർ മുഖ്യ പ്രഭാഷണം നടത്തി. പ്രൊഫ. ടി എം സുകുമാരബാബു, പി. അജിത്ത്, ശ്രീകുമാർ, രവി സിത്താര , കെ.സുരേഷ്‌കുമാർ എന്നിവർ സംസാരിച്ചു.