ചേർത്തല : പുതിയ കേന്ദ്ര സഹകരണ മന്ത്റാലയം രൂപീകരിച്ച് സഹകരണ വകുപ്പിനെ തകർക്കാനുള്ള കേന്ദ്രസർക്കാരിന്റെ തീരുമാനങ്ങളിൽ പ്രതിഷേധിച്ച് കേരള കോ-ഓപ്പറേ​റ്റിവ് എംപ്ലോയീസ് കൗൺസിൽ (എ.ഐ.ടി.യു.സി) സംസ്ഥാന വ്യാപകമായി നടത്തുന്ന സമരത്തിന്റെ ഭാഗമായി ചേർത്തല പോസ്​റ്റാഫീസിന്റെ മുന്നിൽ നടത്തിയ സമരം മുൻ മന്ത്രി പി.തിലോത്തമൻ ഉദ്ഘാടനം ചെയ്തു. താലൂക്ക് പ്രസിഡന്റ് കെ.പി.ഭുവനചന്ദ്രൻ അദ്ധ്യക്ഷത വഹിച്ചു.
ജില്ലാ സെക്രട്ടറി വി.എൻ.സുരേഷ് ബാബു ,സി.പി.ഐ ചേർത്തല മണ്ഡലം സെക്രട്ടറി എം.സി.സിദ്ധാർത്ഥൻ , ഷുബി മോൻ അഖിൽ, പി.വി.ഗിരീഷ് കുമാർ ,ഷാജി എന്നിവർ പങ്കെടുത്തു.