കായംകുളം: കായംകുളം നഗരസഭയിൽ പ്രതിപക്ഷ കൗൺസിലർമാരുടെ ആക്രമണത്തെതുടർന്ന് ജീവനക്കാർ നടത്തിവന്ന സമരം പിൻവലിച്ചു. സംഭവത്തിൽ പൊലീസ് കേസ് രജിസ്റ്റർ ചെയ്തതി​നെത്തുടർന്നാണ് സമരം പി​ൻവലി​ച്ചത്.

നിരന്തരമായി വനിതാ ജീവനക്കാര്‍ക്കെതിരെ ഉണ്ടാകുന്ന ആക്രമണത്തിൽ ഒരു വിട്ടുവീഴ്ചയി​ല്ലാതെ നടപടി​ ളഉണ്ടാകുമെന്നും കൗൺ​സിൽ യോഗം അലങ്കോലപ്പെടുത്തി ഭരണം അട്ടിമറിക്കുവാനുള്ള ശ്രമം നടക്കില്ലെന്നും ചെയർപേഴ്സൺ​ അറിയിച്ചു.

മുനിസിപ്പൽ ഓഫീസനകത്ത് കൗണ്‍സിലർമാർ, ജീവനക്കാർ എന്നിവരല്ലാത്ത വ്യക്തികൾ നടത്തുന്ന സമരപരിപാടികൾ ചട്ടവിരുദ്ധമാണെന്നും, അത് ഇനി ആവർത്തിക്കുവാൻ അനുവദിക്കില്ലെന്നും ഇന്നലെ സമരംനടത്തിയവർക്കെതി​രെ നിയമനടപടി സ്വീകരിക്കുമെന്നും ചെയർപേഴ്സൺ​ പി. ശശികല അറിയിച്ചു.

വൈസ് ചെയർമാൻ ജെ. ആദർശ്, പൊതുമരാമത്ത് സ്റ്റാൻഡിംഗ് കമ്മി​റ്റി ചെയർമാൻ പി. എസ്. സുൾഫിക്കർ, കൗൺ​സിലർ റജി മാവനാൽ, സമരത്തിന് നേതൃത്വം നല്‍കിയ ഹെൽത്ത് ഇൻസ്പെക്ടർ വി. കൃഷ്ണകുമാർ, ജനറൽ സെക്ഷൻ സൂപ്രണ്ട് ഗിരിജാ കുമാരി.എ, കൗൺ​സിൽ ക്ലാർക്ക് സാജിത. യു എന്നിവർ പങ്കെടുത്തു.