മാവേലിക്കര: വെദ്യുതി ഭേദഗതി നിയമം പിൻവലിക്കണമെന്ന് ആവശ്യപ്പെട്ട് നാഷണൽ കോഓഡിനേഷൻ കമ്മിറ്റി ഒഫ് ഇലക്ട്രിസിറ്റി എംപ്ലോയീസ് ആൻഡ് എൻജിനിയേഴ്സിന്റെ ആഭിമുഖ്യത്തിൽ മാവേലിക്കര ഹെഡ് പോസ്‌റ്റോഫീസിന് മുന്നിൽ ധർണ നടത്തി. സി.ഐ.റ്റി.യു ജില്ലാ കമ്മിറ്റി അംഗം കെ.ആർ.ദേവരാജൻ ഉദ്ഘാടനം ചെയ്തു. പെൻഷനേഴ്സ് അസോസിയേഷൻ നേതാവ് സോമൻ അദ്ധ്യക്ഷനായി. കെ.എസ്.ഇ.ബി.ഒ.എ നേതാവ് ഭരതൻ, കെ.എസ്.ഇ.ബി.ഡബ്ല്യു.എഫ് നേതാവ് സുനോജ് എന്നിവർ സംസാരിച്ചു.