ആലപ്പുഴ: ഇന്നലെ 905 പേർക്ക് രോഗം സ്ഥിരീകരിച്ചതോടെ ജില്ലയിൽ കൊവിഡ് ബാധിച്ച് ചികിത്സയിലുള്ളവരുടെ എണ്ണം 9492 ആയി. 8.97 ശതമാനമാണ് ടെസ്റ്റ് പോസിറ്റിവിറ്റി നിരക്ക്. 895 പേർക്ക് സമ്പർക്കത്തിലൂടെയാണ് രോഗം ബാധിച്ചത്. എട്ടു പേരുടെ സമ്പർക്ക ഉറവിടം വ്യക്തമല്ല. രണ്ട് ആരോഗ്യ പ്രവർത്തകർക്കും രോഗം ബാധിച്ചു. 604 പേരുടെ പരിശോധനാ ഫലം നെഗറ്റീവ് ആയതോടെ 205010 പേർ രോഗമുക്തരായി.
ജില്ലയിൽ 13260 ഡോസ് കൊവിഡ് വാക്‌സിൻ സ്റ്റോക്കുണ്ട്. ഇന്നലെവരെ 1079333 ഡോസ് കൊവിഡ് വാക്‌സിൻ നൽകി. 714645 പേർ ആദ്യ ഡോസും 364688 പേർ രണ്ടാമത്തെ ഡോസും സ്വീകരിച്ചു.