bdb — എസ്.എൻ.ഡി.പി യോഗം ചേപ്പാട് യൂണിയനിലെ പുതുതായി രൂപികരിച്ച ഡോ.പൽപ്പു സ്മാരക ശാഖാ നമ്പർ 6456 പത്തിയൂരിന്റെ രജിസ്ട്രേഷൻ സർട്ടിഫിക്കേറ്റ് ശാഖാ അഡ്മിനിസ്ട്രേറ്റീവ് ഭാരവാഹികൾക്ക് യൂണിയൻ പ്രസിഡന്റ് എസ്.സലികുമാർ കൈമാറുന്നു.

ഹരിപ്പാട്: എസ്.എൻ.ഡി.പി യോഗം ചേപ്പാട് യൂണിയനിലെ പത്തിയൂർകിഴക്ക് 1264-ാം നമ്പർ ശാഖ വിഭജിച്ചു. ശാഖയിലെ മലയിൽമുക്ക് കുറ്റികുളങ്ങര റോഡിന് പടിഞ്ഞാറ് ഭാഗത്തെ 261 കുടുംബങ്ങളെ ചേർത്ത് 6456-ാം നമ്പർ പത്തിയൂർ ഡോ.പൽപ്പു സ്മാരക ശാഖ എന്ന പേരിൽ ഒരു ശാഖാ രൂപീകരിച്ച് പ്രവർത്തനം ആരംഭിച്ചു. യൂണിയൻ സെക്രട്ടറി എൻ.അശോകന്റെ അദ്ധ്യക്ഷതയിൽ കൂടിയ യോഗത്തിൽ യൂണിയൻ പ്രസിഡന്റ് എസ്.സലികുമാർ ഉദ്ഘാടനം നിർവ്വഹിച്ചു. യോഗം ഡയറക്ടർ എം.കെ.ശ്രീനിവാസൻ, യൂണിയൻ കൗൺസിലർമാരായ ജെ.ബിജുകുമാർ, ബി.രഘുനാഥ്, 6456-ാം നമ്പർ ശാഖാ ചെയർമാൻ പി.പത്മാകരൻ, കൺവീനർ കെ. യശോധരൻ, 1264 -ാം നമ്പർ ശാഖാ ചെയർമാൻ ഹരിലാൽ, കൺവീനർ അജിത, കമ്മിറ്റി അംഗങ്ങൾ തുടങ്ങിയവർ പങ്കെടുത്തു.