ചേർത്തല: വർദ്ധിച്ചു വരുന്ന സ്ത്രീ പീഡനങ്ങൾക്കെതിരെയും വനിതകളുടെ ക്ഷേമത്തിനും ഉന്നമനത്തിനുമായുള്ള കേന്ദ്ര സർക്കാരിന്റെ പദ്ധതികൾ സംസ്ഥാനത്ത് നടപ്പിലാക്കത്തതിൽ പ്രതിഷേധിച്ചും ബി.ഡി. ജെ.എസ് ചേർത്തല നിയോജക മണ്ഡലം കമ്മറ്റിയുടെ നേതൃത്വത്തിൽ സ്ത്രീ സുരക്ഷയ്ക്കായ് ഒന്നിയ്ക്കാം കാമ്പയിന്റെ ഭാഗമായി ചേർത്തല ബസ് സ്റ്റാന്റിന് സമീപം നിൽപ്പ് സമരം നടത്തി.അഡ്വ.പി.എസ്.ജ്യോതിസ് ഉദ്ഘാടനം ചെയ്തു. ബി.ഡി.വൈ.എസ്. സംസ്ഥാന ജനറൽ സെക്രട്ടറി ആര്യൻ ചള്ളിയിൽ അദ്ധ്യക്ഷത വഹിച്ചു.
ജില്ലാ കമ്മറ്റി അംഗങ്ങളായ കെ.സോമൻ,ജെ.പി.വിനോദ് ജയൻ കഞ്ഞിക്കുഴി,ബി.ഡി.എം.എസ് മണ്ഡലം സെക്രട്ടറിസന്ധ്യ അജി,മണ്ഡലം കമ്മിറ്റി അംഗം അമ്പിളി അപ്പുജി,രജിമോൾ എന്നിവർ സംസാരിച്ചു. നിയോജക മണ്ഡലം പ്രസിഡന്റ് വി. പ്രകാശൻ കളപ്പുരക്കൽ സ്വാഗതവും മണ്ഡലം സംഘടനാ സെക്രട്ടറി ടി.ആർ.വിനോദ് നന്ദിയും പറഞ്ഞു.