ഹരിപ്പാട്: കൊവിഡിന്റെ ആകുലതകളെ തോൽപ്പി​ച്ച് എ പ്ളസ് തിളക്കത്തിൽ ദേവിക.ജെ.ചന്ദ്രൻ. പിതാവിന്റെ സഹോദരന് കൊവിഡ് പോസിറ്റീവ് ആയതോടെ പരീക്ഷയ്ക്ക് ഇടയ്ക്ക് ക്വാറന്റൈനിലായെങ്കിലും ഹരിപ്പാട് ഗവ.ബോയ്സ് ഹയർസെക്കൻഡറി സ്കൂളിലെ ഹ്യുമാനിറ്റീസ് വിദ്യാർത്ഥിയായ ദേവിക എല്ലാ വിഷയങ്ങൾക്കും എ പ്ളസ് നേടി. അവസാന പരീക്ഷകളായ ഇക്കണോമിക്സും ജ്യോഗ്രഫിയും പ്രത്യേക മുറി​യി​ലി​രുന്നാണ് എഴുതിയത്. പരീക്ഷയ്ക്ക് ശേഷം ദേവികയ്ക്ക് കൊവിഡ് സ്ഥിരീകരിക്കുകയും ചെയ്തു. ചെന്നിത്തല തിരുമാലക്കേരിൽ ലോഡിംഗ് തൊഴിലാളിയായ ജയചന്ദ്രന്റെയും ശാന്തിയുടെയും മകളാണ് .പത്താം ക്ളാസിൽ പള്ളിപ്പാട് ഹോളി എയ്ഞ്ചൽസ് സ്കൂളിൽ സി.ബി.എസ്.സി വിഭാഗത്തിൽ 84 ശതമാനം മാർക്ക് നേടിയായിരുന്നു വിജയം.