ചേർത്തല: സൂര്യോദയം സനാതനധർമ്മ പ്രചരണ വാട്ട്‌സ്ആപ്പ് കൂട്ടായ്മയുടെ ഭാഗമായി പ്രവർത്തിക്കുന്ന സൺറൈസ് ചാരിറ്റബിൾ ട്രസ്റ്റിന്റെ വെബ്സൈറ്റ് ഉദ്ഘാടനം മന്ത്രി പി. പ്രസാദും ലോഗോ പ്രകാശനം തണ്ണീർമുക്കം ഗ്രാമപഞ്ചായത്ത് വൈസ് പ്രസിഡന്റ് പ്രവീൺ ജി. പണിക്കരും നിർവഹിച്ചു. ഓൺലൈൻ സത്സംഗത്തിൽ ട്രസ്​റ്റ് ചെയർമാൻ ആർ.രാജീവ്മോൻ അദ്ധ്യക്ഷത വഹിച്ചു. ട്രസ്​റ്റ് വൈസ് ചെയർപേഴ്‌സൺ സുമാദേവി ദീപം തെളിയിച്ചു. സനാതനധർമ്മവും സാധുജന പരിപാലനവും എന്ന വിഷയത്തിൽ സ്വാമി ഉദിത് ചൈതന്യ പ്രഭാഷണം നടത്തി. റിട്ട. അദ്ധ്യാപിക വാസന്തി വേണുഗോപാലിൽ നിന്ന് ആദ്യഫണ്ട് ഏറ്റുവാങ്ങി. ട്രസ്​റ്റ് സെക്രട്ടറി ശൈലേഷ് കുമാർ സഹായവിതരണം നടത്തി. ട്രസ്റ്റ് എക്‌സിക്യൂട്ടിവ് അംഗങ്ങളായ ശോഭ, ധന്യ,ആക്ടിംഗ് ട്രഷറർ ബാലചന്ദ്രമേനോൻ എന്നിവർ സംസാരിച്ചു.