ചേർത്തല: വാക്‌സിൻ കേന്ദ്രത്തിൽ കടന്നു കയറി കോൺഗ്രസ് കൗൺസിലർ ആരോഗ്യ പ്രവർത്തകയെ ആക്രമിച്ച സംഭവത്തിൽ കോൺഗ്രസ് നേതൃത്വം കള്ള പ്രചാരണം അവസാനിപ്പിക്കണമെന്ന് എൽ.ഡി.എഫ് ചേർത്തല മുനിസിപ്പൽ കമ്മി​റ്റി ആവശ്യപ്പെട്ടു. കൗൺസിലർ രാജിവെയ്ക്കണമെന്നാവശ്യപ്പെട്ട് എൽ.ഡി.എഫിന്റെ നേതൃത്വത്തിൽ മുനിസിപ്പൽ ഓഫീസിന് മുന്നിൽ നടന്ന ധർണ സി.പി.എം ജില്ലാ സെക്രട്ടേറിയ​റ്റ് അംഗം അഡ്വ.കെ.പ്രസാദ് ഉദ്ഘാടനം ചെയ്തു.കെ.വി. ചന്ദ്രബാബു അദ്ധ്യക്ഷത വഹിച്ചു. ഏരിയ സെക്രട്ടറി കെ.രാജപ്പൻനായൻ, എൻ.ആർ. ബാബുരാജ്, ഡി.ഷാജി, കെ.ജെ. റാഫേൽ,ബി. വിനോദ്, കെ.പി. പ്രതാപൻ എന്നിവർ സംസാരിച്ചു.