നാളെ മുതൽ ഗതാഗത നിയന്ത്രണം

ആലപ്പുഴ: ആലപ്പുഴ- ചങ്ങനാശ്ശേരി റോഡിന്റെ പുനരുദ്ധാരണ പ്രവൃത്തികളുടെ ഭാഗമായി കളർകോട്, പൊങ്ങ പാലങ്ങൾ നാളെ മുതൽ പൊളിച്ച് തുടങ്ങും. 70 ദിവസം കൊണ്ട് പുതിയ പാലങ്ങൾ പൂർത്തിയാക്കും. ഈ പാലങ്ങളിലൂടെയുള്ള വലിയ വാഹനങ്ങളുടെ ഗതാഗതം പൂർണമായി നിരോധിച്ചു. പെരുന്ന ഭാഗത്ത് നിന്നും പൊങ്ങ പാലത്തിന്റെ കിഴക്കു ഭാഗം വരെയും ആലപ്പുഴ ഭാഗത്ത് നിന്നും കളർകോട് പാലത്തിന്റെ പടിഞ്ഞാറ് ഭാഗം വരെയും മാത്രമേ വലിയ വാഹനങ്ങൾക്ക് എത്തിച്ചേരാൻ സാധിക്കൂ. ചെറിയ വാഹനങ്ങളും മിനി ആംബുലൻസും പോകാൻ സാധിക്കുന്ന തരത്തിൽ പൊളിക്കുന്ന പാലത്തിനു സമീപം ഡൈവേർഷൻ റോഡ് ഉണ്ടായിരിക്കും.