ആലപ്പുഴ: മാരാരിക്കുളം തെക്ക് ഗ്രാമപഞ്ചായത്തിൽ എന്റെ ഗ്രാമം പദ്ധതിക്ക് തുടക്കമായി. ആലപ്പുഴ ഈസ്റ്റ് റോട്ടറി ക്ലബിന്റെ സഹകരണത്തോടെയാണ് പദ്ധതി നടപ്പാക്കുന്നത്. പി. പി. ചിത്തരഞ്ജൻ എം.എൽ.എ ഉദ്ഘാടനം നിർവഹിച്ചു. പഞ്ചായത്തിലെ അഞ്ചാം വാർഡിനെ ഒരു വർഷത്തേക്ക് റോട്ടറി ക്ലബ് ഏറ്റെടുത്തു. കുടിവെള്ളം, മത്സ്യക്കൃഷി, ഹൈടെക്ക് ജൈവ കൃഷി, ടോയ്‌ലെറ്റ്, കുടുംബശ്രീ അംഗങ്ങൾക്ക് സ്വയംതൊഴിൽ, വായനശാലകളുടെ പുനരുദ്ധാരണം എന്നിവയാണ് ലക്ഷ്യം.

ഈസ്റ്റ് റോട്ടറി ക്ലബ് പ്രസിഡന്റ് അനിത ഗോപകുമാർ അദ്ധ്യക്ഷനായി. മാരാരിക്കുളം തെക്ക് ഗ്രാമപഞ്ചായത്ത് പ്രസിഡന്റ് പി. പി. സംഗീത മുഖ്യാഥിതിയായി. ആര്യാട് ബ്ലോക്ക് പഞ്ചായത്ത് വിദ്യാഭ്യാസ ആരോഗ്യ സ്റ്റാൻഡിംഗ് കമ്മിറ്റി ചെയർമാൻ എം. രജീഷ്, വാർഡ് അംഗം വി. സജി, ഫോം മാറ്റിംഗ്‌സ് ഇന്ത്യ മുൻ ചെയർമാൻ കെ.ആർ. ഭഗീരഥൻ, റോട്ടറി ക്ലബ് ജില്ലാ പ്രാജക്ട് ചെയർമാൻ കെ.ജി. ഗിരീശൻ തുടങ്ങിയവർ പങ്കെടുത്തു.