ന്യൂഡൽഹി :കോതമംഗലം ചെറിയ പള്ളി ഏറ്റെടുക്കണമെന്ന ഹൈക്കോടതി വിധിക്കെതിരെ സുപ്രീംകോടതിയിൽ നൽകിയ ഹർജി യാക്കോബായ സഭ പിൻവലിച്ചു.ഹർജി പിൻവലിക്കാൻ അനുവദിക്കണമെന്ന യാക്കോബായ സഭയുടെ ആവശ്യം കോടതി അംഗീകരിക്കുകയായിരുന്നു. പള്ളി ഏറ്റെടുക്കണമെന്ന് മാർച്ചിൽ ഹൈക്കോടതി ഡിവിഷൻ ബെഞ്ച് ഉത്തരവിട്ടതിനെ ചോദ്യം ചെയ്തായിരുന്നു സുപ്രീം കോടതിയെ സമീപിച്ചത്. എന്നാൽ ഇന്നലെ കേസ് പരിഗണനയ്‌ക്കെടുത്തപ്പോൾ അപ്പീൽ പിൻവലിക്കാൻ ഹർജിക്കാർ നിർദ്ദേശിച്ചതായി അഭിഭാഷകൻ എ. രഘുനാഥ് കോടതിയെ അറിയിക്കുകയായിരുന്നു.