കോലഞ്ചേരി: കൊവിഡ് വ്യാപന കാലത്ത് ഭിന്നശേഷിക്കാർക്ക് കൈത്താങ്ങായി തണൽ പാലിയേ​റ്റീവ് ആൻഡ് പാരാപ്ലീജിക് കെയറും ഓൾ കേരള വീൽചെയർ റൈ​റ്റ്‌സ് ഫെഡറേഷന്റെയും നേതൃത്വത്തിൽ വീൽചെയറിൽ സഞ്ചരിക്കുന്നവരുടെ മക്കൾക്ക് പഠനോപകരണങ്ങൾ വിതരണം ചെയ്തു. അഡ്വ.പി.വി. ശ്രീനിജിൻ എം.എൽ.എ വിതരണോദ്ഘാടനം നിർവഹിച്ചു. ഫെഡറേഷൻ സംസ്ഥാന ജനറൽ സെക്രട്ടറി രാജീവ് പള്ളുരുത്തി, മണി ശർമ്മ, ദിപാമണി, കെ.വൈ. ജോർജ്കുട്ടി , പി.ടി.രഘു, ടി.ഒ. പരീത്, വി.വൈ. എബ്രഹാം, എം.കെ. സുധാകരൻ, ബഷീർ പോഞ്ഞാശേരി എന്നിവർ പങ്കെടുത്തു.