പറവൂർ: സംസ്കൃത പണ്ഡിതനും നന്ത്യാട്ടുകുന്നം എസ്.എൻ.വി സ്കൂൾ സ്ഥാപകനുമായ ‌ഡോ. പി.ആർ. ശാസ്ത്രിയുടെ ഇരുപത്തിമൂന്നാമത് ചരമവാർഷികത്തോടനുബന്ധിച്ച് എസ്.എൻ.ഡി.പി പറവൂർ യൂണിയൻ, സംസ്കൃതം ഹയർ സെക്കൻഡറി സ്കൂൾ, പി.ടി.എ എന്നിവയുടെ സംയുക്താഭിമുഖ്യത്തിൽ ഡോ. പി.ആർ. ശാസ്ത്രി അനുസ്മരണ സമ്മേളനം ഇന്ന് രാവിലെ പതിനൊന്നിന് എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശൻ ഉദ്ഘാടനം ചെയ്യും. പുതിയ സ്കൂൾ കെട്ടിടത്തിന്റെ ശിലാസ്ഥാപനവും ഗുരുകാരുണ്യ പദ്ധതിയിൽ പഠനോപകരണങ്ങളും സ്കൂളിലെ രണ്ടായിരം വിദ്യാർത്ഥികൾക്കുള്ള പോഷകാഹാരങ്ങളുടെ വിതരണോദ്ഘാടനവും ജനറൽ സെക്രട്ടറി നിർവഹിക്കും. സമ്മേളനത്തിൽ പറവൂർ യൂണിയൻ സെക്രട്ടറി ഹരി വിജയൻ അദ്ധ്യക്ഷത വഹിക്കും. എന്റോവ്മെന്റ് വിതരണം യൂണിയൻ പ്രസിഡന്റ് സി.എൻ. രാധാകൃഷ്ണനും ഡോ. പി.ആർ. ശാസ്ത്രി അനുസ്മരണം യോഗം കൗൺസിലർ ഇ.എസ്. ഷീബ ടീച്ചറും മുഖ്യപ്രഭാഷണം യൂണിയൻ വൈസ് പ്രസിഡന്റ് ഷൈജു മനക്കപ്പടിയും നടത്തും. യോഗം ഇൻസ്പെക്ടറിംഗ് ഓഫീസർ ഡി. ബാബു, ഡയറക്ടർ ബോർഡ് അംഗങ്ങളായ പി.എസ്. ജയരാജ്, എം.പി. ബിനു, പി.ടി.എ പ്രസിഡന്റ് സി.പി. ജയൻ, യൂണിയൻ കൗൺസിലർമാരായ ഡി. പ്രസന്നകുമാർ, കെ.ബി. സുഭാഷ്, വി.എൻ. നാഗേഷ്, വി.പി. ഷാജി, ടി.എം. ദിലീപ്, സി.ഡി. കണ്ണൻ, ടി.പി. കൃഷ്ണൻ, സ്കൂൾ സ്റ്റാഫ് സെക്രട്ടറിമാരായ കെ.വി. സാഹി, പി. മോഹൻകുമാർ,ഹെഡ്മാസ്റ്റർ സി.കെ.ബിജു, പ്രിൻസിപ്പൽ വി. ബിന്ദു എന്നിവർ സംസാരിക്കും.