കൊച്ചി​: ചെന്നൈ ഐ.ഐ.ടി കാമ്പസിൽ കത്തിക്കരിഞ്ഞ നിലയിൽ വ്യാഴാഴ്ച രാത്രി​ കണ്ടെത്തി​യ ഇന്റേൺഷിപ്പ് കോ-ഓർഡിനേറ്റർ ഉണ്ണിക്കൃഷ്ണന്റെ (23) മൃതദേഹം പി​താവ് രഘുനാഥി​ന്റെ ഏറ്റുമാനൂരി​ലെ തറവാട് വീടായ ആരാമത്തിന്റെ വളപ്പിൽ ഇന്ന് രാവി​ലെ സംസ്കരി​ക്കും.

മുറി​യി​ൽ നി​ന്ന് ആത്മഹത്യാക്കുറി​പ്പ് കണ്ടെടുത്തി​ട്ടുണ്ട്. കാക്കനാട് പടമുകൾ നോയൽ ആർക്കേഡിയ ഫ്ളാറ്റിലാണ് ഉണ്ണി​ക്കൃഷ്ണന്റെ കുടുംബം പത്തുവർഷമായി​ താമസം. ഐ.എസ്.ആർ.ഒയുടെ ആലുവ കീഴ്‌മാട്ടുള്ള എ.പി.ഇ.പി യൂണിറ്റിൽ ഉയർന്ന ഉദ്യോഗസ്ഥനാണ് രഘുനാഥ്.

കുസാറ്റിൽ ബി.ടെക് മെക്കാനിക്കൽ പഠനത്തിന് ശേഷമാണ് ഉണ്ണിക്കൃഷ്ണൻ ചെന്നൈ ഐ.ഐ.ടിയിൽ ഇന്റേൺഷിപ്പ് കോ-ഓർഡിനേറ്ററായി​ നാലുമാസം മുമ്പ് പോയത്.

കാക്കനാട് ഇൻഫോപാർക്കിലെ ഐ.ബി.എസ് കമ്പനിയിലെ ഉദ്യോഗസ്ഥയാണ് അമ്മ ഷീബ. സഹോദരൻ മാധവ് കളമശ്ശേരി സെന്റ് ജോസഫ്സ് സ്കൂളിലെ പ്ളസ് ടു വിദ്യാർത്ഥിയാണ്.